الغاز لجدود اتفضل اوجد الحل او ضف الغاز جدتك

هذه مجموعة من الالغاز لاحياء تراثنا وماضينا
_جدة في الغار تبيع في فلفل حار العقرب (ام نور الجزائرية)
_ابيض لفلوف يشرب الما كي لخروف العجين (ام نور الجزائرية)
_طق هنا طق لهيه طق من الصحرا للهيه البرق (nadjeh annaba)
_على زوج خواتات قدقد وحدة تشري ووحدة ما شافها حد الدنيا لي دور والاخرة ما شافها حد
_على طفلة هلايلية جات من ولاد لهلال تبكي بدموعها السرية وفي قلبها شاعلة النار الشمعة (nadjeh annaba)
_سلسلة في سلسلة في لرض متكسلة فيها بوك وفيها خوك وفيها سلطان الملوك المقبرة (nadjeh annaba) (ام نور الجزائرية)
_عقبت على واد الرهب لقيتهم يوكلوا في الفضة ويطيشوا في الذهب الفقوس الداخل فضة والقشور ذهب
_دقوه سبع دقات ما سال منو دم حطوه قالوا مات هزوه قال انعم القصبة فيها سبع ثقوب من الخشب جسم ميت كنهزوها نغنو بيها تنطق
_بقرتنا ذبحناها في الكاف العالي اللحم طيشناه والدم بعناه غالي زيت الزيتون الزيتون طيشناه وزيتو راه يتباع غالي
_جوهرة في كاس وعليها الف عساس العين (nadjeh annaba)
الساعة هي وحدة واجزاءها ستين _ تبدا بالسين ماسلسلة ما سكين هي وحدة وولادها ستين

انا انتظر مشاركتكم بالحلول او الغاز جديدة